காதலில்லா காமம்

அரையிருட்டில் தவிக்கவிட்ட


அப்பனும் ஆத்தாளும்

கூறுகெட்ட வாழ்க்கை கண்டு

குடிமுழுகி மறைந்து போக



மூச்சு முட்ட குடித்துவந்து

முள் மூஞ்சி மனிதர்கள்

மாரினிலே தேய்க்கையில்

மனசு ரொம்ப நோகுது



காதலில்லா காமம்

காசு பணம் கொடுக்குது

காமமில்லா காதல்

கடைசி வரை கசக்குது



என் வயது பிள்ளைகள்

ஏடேடுத்து படிக்குது

எனக்கு மட்டும் வாழ்கை

ஏன் இப்படி இருக்குது?