மழை

வானம் பார்த்து


பயிர் வளர்த்து

வயல் வெளியில்

வருகை பார்த்து

உலகை வாழ

வைக்கும் விவசாயிக்கு

உண்மையான தேவதை



கிராமத்தில் போற்றப்பட்டு

கழனியிலே காலணி படாது

கட்டிக்காக்கும் காவலர்களின்

கண் கண்ட தெய்வம்



நகரத்திலே நடந்து வந்தால்

முதல் நாள் போற்றப்பட்டு

தொடர்ந்து வந்தால்

தொல்லை என தூற்றப்பட்டு

மடை திறந்து வந்தால்

மக்களால் வெறுக்கப்படும்.



எப்பொழுது விழுந்தாலும்

ஏற்கும் மனம்,ஏந்தும் கைகள்

ஏன் எனக் கேட்போருக்கு

எந்நிலையில் இருந்தாலும்

என் அங்கம் தடவி

சத்தமுடன் விழுந்து

முத்தமழை பொழிந்து

என்னை தழுவுபவள்

அவள் தானே