பதிவுலகின் சூப்பர் ஸ்டார்கள்-பாகம் 3

பதிவுலகின் சூப்பர் ஸ்டார்கள் என்று நான் தொடங்கிய இந்த இடுகையை தொடர்வதில் எனக்கு மிக்க மகிழ்ச்சி. நான் முன்பே சொன்னது போல் இதில் சம்பந்தப்பட்ட இரண்டு கட்சிகளுக்குமே வெற்றி.

இந்த வார என்னுடைய கருத்தில் சூப்பர் ஸ்டார் நம்ம சேட்டை தான்.

http://settaikkaran.blogspot.com/

ஏன்? பெயர்,வயசு,ஊரு எல்லாம் சொன்னாத்தான் படிப்பீங்களாக்கும்?

இங்குள்ள மொக்கைகளை வாசிப்பதால் ஏற்படும் பின் விளைவுகளுக்கு கம்பெனி பொறுப்பல்ல.

என்ற சுய அறிமுகத்தில் இருந்தே இவர் எப்பெயர் பெற்ற லொள்ளு பார்ட்டி என்பதை யூகிக்கலாம்.

ஆங்கில வலைபூ என்று “லார்ட்லபக்தாஸ்” கட்டாயம் படிக்க வேண்டிய ஒன்று.

கிட்டத்தட்ட முன்னூற்றி ஐம்பது பின் தொடர்பவர்கள், இருநூற்றி எழுபது இடுகைகளில் சாதித்தது பெரிய விஷயம்தான்.

இவருடைய சமீபத்திய இடுகையில் ரஞ்சிதா செய்த தவறு என்ன? என்பதை படித்து பார்த்தால் இவரின் வித்யாச சிந்தனை புரியும் (Lateral thinking). 

இவருடைய இடுகைகளில் ஒளிந்திருக்கும் நையாண்டிக்கு நான் பரம ரசிகன். நீங்களும் படித்துப்பாருங்கள் (“கேப்டனுக்கு ஜே”).

தொடர் நக்கல்கள் “ அன்னாசி பழத்துக்கு ஜே”.

“மன்மதன் அம்புவும் மசானத்தில் முத்தமும்” என்று தலைப்பு கொடுத்து வாசகர்களை ஈர்ப்பதில் தல நீ  எங்கேயோ போயிட்ட.

சேட்டை உமது எழுத்துப் பணிகள் தொடரட்டும்.

காணாமல் போன பதிவர்கள்.

இந்த வார காணாமல் போன பதிவர் ரெட் மகி. (http://magiscorner.blogspot.com/) 2009 ல் பதிவுலகத்திற்கு வந்த கிராமத்து இளைஞன். கவிதைகள் எழுதத் தொடங்கி சில பதிவுகளிலே காணாமல் போய்விட்டார்.  

இவரைப் பற்றி விவரமறிந்தவர்கள் சொல்லவும்.