பதிவுலகின் சூப்பர் ஸ்டார்கள்-பாகம் 6

இந்த வரிசையில் எனக்கு பிடித்த மற்றுமொரு பதிவர் நண்டு @ நொரண்டு. இவரின் இயற்பெயர் எஸ்ரா ராஜசேகர். மற்றுமொரு ஈரோட்டுக்காரர். வழக்கறிஞர். பெறும்பாலும் அரசியல் சமூகம் சார்ந்த பதிவுகள் இடுபவர். 

http://nanduonorandu.blogspot.com

கிட்டத்தட்ட முன்னூறு பதிவுகள் எழுதியிருக்கிறார். தொடர்பவர்களின் எண்ணிக்கை இருநூறை தொட இருக்கிறது. முகப்பில் “Question Everything”  என்று தொழில் ரீதியான வழக்கத்துடன் நம்மையும் கேள்விகள் கேட்க வைக்கிறார்.

இவரின் இயல்பான நடைக்கு நான் ரசிகன். சொல்ல வந்த கருத்தை மிகவும் எளிய வார்த்தைகளில் கொடுத்து சமூக அநீதிகளை சாடுவது இவரது பெரிய பலம்.

“மரணதண்டனையை ஒழித்திடு ...ஒன்றுபடு தமிழா ...ஓங்கி உயர்ந்திடு” இவரது சமீபத்திய இடுகை. மரணதண்டனை எனும் காட்டுமிராண்டித்தனத்தை ஒழிக்க எல்லோரையும் ஒன்று பட்டு செயல் பட அழைக்கும் இந்த இடுகை நான் மேற்கூறிய காரணங்களுக்கு எடுத்துக்காட்டு.

வருடா வருடம்
வருடங்களைத் தாங்கி

வாழ்க்கை
கரையாக
பயணிக்கின்றன
டைரிகள் ...

டைரிகள் என்ற தலைப்பில் இவர் எழுதிய கவிதையின் சில வரிகள். என்ன எளிமையான சொற்கோவை. மேலும் “வசதிகள்”, “அவளின் இதயத்தில்” “என் கவிதை”, “புலிகளாவோம்” போன்ற கவிதைகள் நல்ல தரம் வாய்ந்தவை.

இவர் பதிவுகள் தொடங்கிய பொழுது நிறைய தன்னுடைய தொழில் சார்ந்த பதிவுகள் எழுதி நமக்கு வித்தியாசமான அணுகு முறையில் நாட்டு நடப்புகளையும், ஜனநாயக மீறல்களையும் எடுத்துக் காட்டியிருக்கிறார்.

வழக்கறிஞர் ராஜசேகர் அவர்களே தொடரட்டும் உங்கள் எழுத்து பணி. வாழ்த்துகள். 

காணாமல் போன பதிவர்கள் 

“சிரிப்பு போலீஸ்” என்ற பெயருடன் ஒருவர் பதிவிட்டுக் கொண்டிருந்தார். அவருடைய பதிவுகளை சமீப காலமாக பார்க்கமுடியவில்லை. விவரமறிந்தவர்கள் பின்னூட்டத்தில் தெரிவிக்கவும்.

Follow @kummachi Tweet

Post Comment