பதிவுலகின் சூப்பர் ஸ்டார்கள்-பாகம் 9

பதிவுலகின் சூப்பர் ஸ்டார்கள் வரிசையில் இந்த முறை அண்ணன் “பிலாசபி பிரபாகரன்”. அவரது வலைப்பூவின் பெயர் “பிரபாகரனின் தத்துபித்துவங்கள்” சற்றே வித்தியாசமான பெயர்.

http://philosophyprabhakaran.blogspot.com

இவருடன் எனக்கு பரிச்சயம் இவரது பல்சுவை பகுதிக்கு  பெயர் வைக்கும்பொழுது என்னை நினைவு கூர்ந்தார். நான் கலக்கல் காக்டெயில் என்று வைத்ததனால் அவர் “பிரபா ஒயின்ஷாப்” என்று பெயர் வைத்து பின்னுகிறார். தலைவர் போடும் ஜொள்ளு படங்கள் பதிவுலகில் பிரசித்தம். 

   

பிரபா ஸ்பெஷல்

இதுவரை நூற்றி எழுபத்தைந்து பதிவுகள், நானூற்றி சொச்சம்  தொடர்பவர்கள்  என்று தனக்கென்று ஒரு ராஜபாட்டை வகுத்து கலக்கிக் கொண்டிருக்கிறார்.

சமீபத்தில் இவரின் “காண்டம்” கவிதையை நான்  என்னுடைய கலக்கல் காக்டெயிலில் பகிர்ந்தேன். வித்தியாசமான சிந்தனை.

மங்காத்தா விமர்சனம் நான்  ரசித்த ஒன்று. அந்த பதிவின் உள்ளடக்கத்தைவிட தலைப்பை ரசித்தேன். 

தமிழ் புத்தாண்டு:

"நித்திரையில் இருக்கும் தமிழா...!

சித்திரை இல்லை உனக்குப் புத்தாண்டு

அண்டிப்பிழைக்க வந்த ஆரியக்கூட்டம் கற்பித்ததே

அறிவுக்கொவ்வா அறுபது ஆண்டுகள்.

தரணி ஆண்ட தமிழனுக்கு

தை முதல் நாளே தமிழ்ப் புத்தாண்டு...!"

கலைஞர் “முயலுக்கு நாலு கால்” என்று சொன்னால் “இல்லையில்லை... கலைஞர் ஒரு தமிழன துரோகி, போலி நாத்திகவாதி, சுயநலவாதி... அவர் சொல்வது எல்லாவற்றையும் நான் கண்ணை மூடிக்கொண்டு எதிர்ப்பேன்... நான் பிடித்த முயலுக்கு மூன்று கால்தான்...” என்று சொல்பவர்களுக்கு மேலே உள்ள பாரதிதாசன் கவிதையை டெடிகேட் செய்கிறேன். எவ்வளவு சொன்னாலும் கேட்கமாட்டேன் என்பவர்கள் சமஸ்கிருத புத்தாண்டாம் ஏப்ரல் பதினான்கையே பிடித்து தொங்குங்கள்.

இது தமிழ் புத்தாண்டை வைத்து அரசியல் கூத்து நடத்தும் அரசியல் வாதிகளின் அழிச்சாட்டியத்தை வெட்ட வெளிச்சமாக்கும் ஒரு “ஒயின் ஷாப்” கருத்து. 

“காற்றில் கனிகள் விழுந்திடும் வரைக்கும் காத்திருக்காதே... கல்லடி கிடைக்கும்...”

இது இவரது வலைப்பூவின் சப் டைட்டில்.

மேலும் இவரின் வலைப்பூவிலிருந்து ஒரு இதழ்.

ஒவ்வொரு புதுவருட பிறக்கும்போதும் இந்த சமுதாயம் நம் முன்பு ஒரு கேள்வியை வைக்கிறது. உங்களுடைய நியூ இயர் ரெசல்யூஷன் என்ன...? (ங்கொய்யால யாருங்க கண்டுபுடிச்சது இந்த மேட்டரை...) சரி, இதுவரை எடுத்த நியூ இயர் ரெசல்யூஷன்களில் ஒன்றையாவது காப்பாற்றியிருக்கிறேனா...?

பொண்ணுங்க பேச்சை கேட்கக் கூடாதுன்னு முடிவு பண்ணேன். நாசமாப் போச்சு.

சரக்கை மறக்க நினைத்தேன். நண்பர்கள் ஞாபகப்படுத்தினார்கள்.

மற்றவர்களை கலாய்க்கக் கூடாதென்று கருதினேன். பதிவுலக வாழ்க்கையில் அது சாத்தியமா என்ன...?

நியூ இயர் ரிசல்யூஷன் “ங்கொயாலா எவண்டா கண்டு பிடிச்சான் இதை”, இதே அலைவரிசையில் சிகரெட்டை ஒவ்வொரு ஜனவரி ஒன்று அன்று வரை கஷ்டப்பட்டு விட்டு, இரண்டாம் தேதி  சேர்த்து வைத்து பிடித்த ஊதாங்குழலர்களில் நானும் ஒருவன்.

பிரபா கலக்கு சாமீ.