சொல்றாங்க (கொல்றாங்க) யுவர் ஹானர்

சேலத்தில் தொண்டர்கள் கேட்டுக்கொண்டதால் தெய்வத்துடனும், மக்களுடனுன் கூட்டணி வைத்தேன், இப்பொழுது மக்களுடன்தான் கூட்டணி...........................கும்பகோணத்தில் விஜயகாந்த் பேச்சு.

ஏன் கேப்டன் தெய்வம் கழட்டி வுட்டுடுச்சா? அதுக்குதான் சட்ட சபைக்கு தினம் போய் தொழுதிருக்கணும். 

ஒளி மயமான எதிர் காலம் என் கண்களில் தெரிகிறது..........................வை.கோ

எங்களுக்கு எல்லாம் எப்பொழுது ஐயா தெரியும்?

தூக்கத்தில் போவேனா, அல்லது தூக்கில் போவேனா என்று ஒரு அமைச்சர் பேசுகிறார், என் உயிர்  தூக்கத்திலோ அல்லது துக்கத்திலோ அவர்களைப் போல் “அம்மா” மடியில் போகாது. தமிழ் தாய் மடியில்தான் என் உயிர் பிரியும்..................கலைஞர் பேச்சு.

தலைவா கண்டவனெல்லாம் கல்லு உடரானுங்க. தேவையா? ஆனால் செய்த தப்ப ஒத்துக்காம பத்திரிகைகளை இன்னும் குறை சொல்லிக்கொண்டிருக்கிறீர்களே? தமிழ் தாய் மடியில் தலை வைக்கும் முன்பாவது உணருங்க. (“அம்மா மடியில்” நக்கல் இன்னும் போகலியே)

சினிமாவிலிருந்து தற்காலிகமாக விலகுகிறேன்.............நடிகை சோனா    

ஐயோ அம்மணி போகாதீங்க (அப்படியே நூறு படம் புக் ஆகியிருந்ததாம்) எங்க தமிழ் திரைப்பட உலகும் ஜொள்ளுக்காக ஏங்கி செத்துடும்.

 

சச்சினுக்கு பில்டிங்கும் ஸ்ட்ராங் பேஸ்மென்ட்டும் ஸ்ட்ராங்..................சஹீத் அப்ரிதி

நம்ம வடிவேலு எப்போ அங்கே போனாரு?

தோள்களில் சூடி அழகு பார்க்க வெற்றி மாலை காத்திருக்கிறது, கண்ணியத்தோடு பெறுவோம்....................ஜெ. ..........தொண்டர்களுக்கு அறிவுரை

மாலைக்கு சோ ஐயர் கிட்ட சொல்லிட்டிங்களா?