களப்பணி

கட்டிங்வுட்டு கள்ள ஒட்டு போட்டேனா? இல்லை

க்வார்ட்டருக்கும் பிரியாணிக்கும் விற்றேனா? இல்லை

கைகட்டி தொண்டர் என்று பின் சென்றேனா? இல்லை

தலைவன் என காலில்தான் விழுந்தேனா? இல்லை

கடமையில் கைநீட்டி கையூட்டு பெற்றேனா? இல்லை

பணிசெய்ய தலைசொறிந்து நின்றேனா? இல்லை

தடியெடுத்து தலையில்தான் போட்டேனா? இல்லை

கத்தியால்தான் மத்தியில் குத்தினேனா? இல்லை

ஊர் முழுக்க கூத்தியாதான் வைத்தேனா? இல்லை

பேர்சொல்ல சின்னவீடுதான் வைத்தேனா? இல்லை

அறப்போராட்டத்தில் கல் வீசி எறிந்தேனா? இல்லை

சிரிப்புடனே சிறைதான் சென்றேனா? இல்லை

ஊரறிய உண்ணாவிரதம் இருந்தேனா? இல்லை

ஊழலைதான் ஒழிப்பேன் என்று சொன்னேனா? இல்லை

படத்தில்தான் பத்துபேரை துவைத்தேனா? இல்லை

வடநாட்டு நாயகியைதான் தொட்டேனா? இல்லை

பாட்டிகளை பாங்குடனே அனைத்தேனா?

ஈதனைத்தும் நினைக்கும் முன்னே நீ ஏனடா

கட்சியில் சேர்ந்து களப்பணியாற்ற சொல்கிறாய்? 

 

 

படத்துக்கும்  கவிதைக்கும் சம்மந்தமில்லீங்க

Follow @kummachi Tweet

Post Comment