கலக்கல் காக்டெயில் -48

கலாம் அறிக்கை

அப்துல் கலாம் அவர்கள் கூடங்குளம் சென்று, விஞ்ஞானிகளையும் அதிகாரிகளையும் சந்தித்து, பாதுகாப்பு ஏற்பாடுகளை ஆராய்ந்து ஒரு விரிவான அறிக்கையை சமர்ப்பித்திருக்கிறார். அதை ஏற்றுக்கொள்வதும் ஏற்றுக்கொள்ளாததும் போரட்டாக்காரர்கள், மற்றும் மக்களின் விருப்பம். அதை விடுத்து சில ஊடகங்களும், மற்றும் இணையதளத்திலும் அவரைப் பற்றிய கீழ்த்தரமான விமர்சனங்கள் ஏற்றுக்கொள்ளும்படியாக இல்லை. ஒரு பதிவர் சற்று ஒரு படி மேலே போய் “பயோடேட்டா” என்ற பெயரில் மிகவும் கீழ்த்தரமாக விமர்சித்திருக்கிறார். அப்துல் கலாம் இதற்கு முன்பு இவர்களால் தூக்கிவைத்து கொண்டாடப்பட்டார், இப்பொழுது நிலமை மாறியிருக்கிறது. கலாம் அவர்கள் நாட்டின் முன்னேற்றத்தை கருத்தில் கொண்டு தயாரித்த அறிக்கை அது. மக்களே சிந்தியுங்கள்.

13500 பேர் ஒரே ஆணையில் கல்தா  

மக்கள்நலப் பணியாளர்களை ஒரே ஆணையில் வழக்கமான ஸ்டைலில் அம்மா வெளியேற்றி இருக்கிறார்கள். இதற்க உண்டான காரணம் யாவரும் அறிந்ததே. இதை பற்றிய விவாதங்கள் ட்வீட்டரிலும் மற்றைய தளங்களிலும் வெளிவந்து கொண்டிருக்கின்றன. நம் தலை எழுத்து இன்னும் எத்தனை வருடங்கள் இந்த கழகப் பிடியில் மாட்டிக்கொண்டிருப்போமோ, யாமறியேன் பராபரமே.

ரசித்த நாட்டுப்பாடல்

ஒரு தட்டு மண்ணெடுத்து

நான் போட்ட ரயில்ரோட்டு

நான் போட்ட ரோட்டுக்குள்ளே

நம்ம துரை வருவாரிப்போ

நம்ம துரை வந்தவுடன்

நமக்குப் பணம் தருவாரிப்போ

கொடுக்கிறது ராணித் துட்டு

எடுக்கிறது மணிப் பிரம்பு.

நகைச்சுவை  

ஏர்டெல் கஸ்டமர் கேருக்கு வந்த இந்த புகார் பேச்சை கேட்டு சிரிக்காம இருக்க முடியவில்லை. இது உண்மையிலே அவர் மஞ்ச மாக்கானா, இல்லை ஏர்டெல் காரரை கலாய்க்கிறாரா என்று தெரியவில்லை.

ஜொள்ளு