பாரதி----130

தொலைக்காட்சிகளும் மற்றைய ஊடங்கங்களும் நடிகரின் பிறந்த நாளை இன்று கொண்டாடும் வேளையில் முண்டாசு கவியை நினைவு கொள்வோம்.

ட்விட்டரில் இன்று பாரதியை நினைவு கூர்ந்து ட்வீட்டிக் கொண்டிருக்கிறார்கள். அவர்களுக்கு டி.ஆர்.பி ரேட்டிங் பற்றி கவலையில்லை.

உப்பிற்கும், பருப்பு புளிக்கும் என்னை பிச்சை எடுக்க வைக்காதே என்று பராசக்தியை கடியும் வாழ்க்கை நிலை. வருமையிலும் வற்றாத சமூக சிந்தனை. தமிழை போற்றிய அவர் மொழிப்பற்று, தொலை நோக்குப் பார்வை, சுதந்திர தாகம் என்று அவர் கவிகளில் எத்துனை வகை. தமிழ் மொழியில் அவர் எடுத்துக் கொண்ட சுதந்திரம் வியக்க வைக்கிறது. வெண்பா, விருத்தம், புதுக் கவிதை, வசனக்கவிதை என்று அவர் புனைந்தவை அத்தனையும் ரசிக்கக்கூடியவை. அவருடைய பிறந்த நாளில் அவர் கவிகளில் ஒன்றை நினைவு கொள்வோம்.

கவியின் “வேண்டுவன” இதோ

மனதிலுறுதி வேண்டும்

வாக்கினிலே இனிமை வேண்டும்

நினைவு நல்லது வேண்டும்

நெருங்கின பொருள் கைப்படவேண்டும்

கனவு மெய்ப்பட வேண்டும்

கைவசமாவது விரைவில் வேண்டும்

தனமும் இன்பமும் வேண்டும்

தரணியிலே பெருமை வேண்டும்

கண் திறந்திட வேண்டும்

காரியத்திலே உறுதி வேண்டும்

பெண் விடுதலை வேண்டும்

பெரிய கடவுள் காக்க வேண்டும்

மண் பயனுற வேண்டும்

வானகமிங்கு தென்பட வேண்டும்

உண்மை நின்றிட வேண்டும்.