தொடர் தொடங்கலாமா?

எல்லோருக்கும் அன்பு வணக்கங்கள். வலைப்பூ தொடங்கி கிட்டத்தட்ட மூன்று வருடங்கள் ஆகிவிட்டது. அப்பொழுதிலிருந்தே ஒரு தொடர்கதை எழுதவேண்டும் என்ற ஒரு நப்பாசை மனதில் ஓடிக்கொண்டிருந்தது.

ஆதலால் அப்பொழுதே ஒரு இரண்டு மூன்று அத்தியாயங்கள் எழுதி வைத்திருந்தேன். ஆனால் ஏதோ காரணத்தினால் அதை மேலும் தொடராமல் என் கணினியிலேயே வைத்திருந்தேன்.

அதற்குள் மிகவும் எளிமையான, அரசியல் கட்டுரை, மொக்கை, சிறுகதை, கவிதை என்று சுமாராக வாரத்திற்கு இரண்டு அல்லது மூன்று என்று பதிவுகள் போட்டுக் கொண்டிருந்தேன். அதற்கு உண்டான ஆதரவுகள் உங்களிடமிருந்து பெற்றதில் மிகவும் மகிழ்ச்சி அடைந்தேன்.

என்னுடைய பழைய இடுகைகள் எல்லாமே கணினியில் சேமித்து வைத்திருந்தேன். அதையெல்லாம் ஒரு நாளைக்கு வகைப் படுத்திக்கொண்டிருந்த பொழுது இந்த எழுதி முடிக்காத தொடர் கதை தென்பட்டது. அதை எழுத ஆரம்பித்த கதை களமும், கருவும் இன்னும் பசுமையாக நினைவில் இருக்கிறது.

எனது சிறிய வயதில் சென்னை நகரின் சிறிதே ஊருக்கு ஒதுக்குப்புறமான ஒரு சிறிய வீட்டில் இருந்தோம். அந்த இடத்தில் ஒரு புதிய சமுதாயம் ஒன்று தோன்றி படிப்படியாக வளர்ந்ததை இந்த கால கட்டத்தில் சொல்லலாம் என்று தோன்றியதால் இனி வாரம் ஒரு முறையாக பதிவிட இருக்கிறேன்.

“நாயரின் சாம்ராஜ்யம்” என்று தொடங்கவிருக்கும் தொடரை வாரம் ஒரு பாகமாக வெளியிட எண்ணம். தொடருக்கு எனது பதிவுலக நண்பர்களின் ஆதரவையும் கருத்துக்களையும் வழக்கம்போல் எதிர்பார்க்கிறேன்.

என்றென்றும் அன்புடன்

கும்மாச்சி