எங்ககிட்டே க்ரைன்டர் இருக்கு உங்ககிட்டே ஆட்டுகல்லு இருக்கா?

இலவசம் என்று வாயைப் பொளந்து வாக்கை அளித்து கிட்டத்தட்ட இருபது வருடங்களாக ஆட்டையைப் போட்ட கழகங்களை வளர்த்து விட்டதற்கு இப்பொழுது அறுவடை நடந்து கொண்டிருக்கிறது.

எட்டுமணி நேரம் மின்வெட்டாம், கேட்கும் பொழுதே கதி கலங்குது.

*இயற்றலும் ஈட்டலும் காத்தலும் காத்த
வகுத்தலும் வல்ல தரசு*
வருவாய் வரும் வழிகளை
வெகு சிறப்பாய் அமைத்தலும்
வந்த பொருள்களைச்
சேமித்துக் காத்தலும்
காத்த செல்வத்தை
முன்னேற்ற வழிகளில்
திறம்படச் செலவிடுதலுமே
நல்ல ஆட்சியாகும்.
இந்தக் குரளை நமது மின்சாரத்துறை தளத்தில் காணலாம். ஆனால் இது வரை தமிழ் நாட்டை ஆண்டவர்கள் செய்தார்களா? என்பதுதான் கேள்விக்குறி.

ஆண்டுக்கு ஆண்டு மின்சாரத்தேவை அதிகமாகிக்கொண்டு வருகிறது என்பது எல்லோருக்கும் தெரிந்த விஷயம். ஆனால் அரசுக்கு தெரியுமா? தெரிந்து சும்மா இருக்கிறார்களா என்பது நமக்கு தெரியாத புதிர்.
மற்ற மாநிலங்களுக்கு இல்லாத பிரச்சினை இப்பொழுது விஸ்வரூபம் எடுத்து நம்மை பாதித்துக் கொண்டிருக்கிறது. இந்த மின்வெட்டு ஏதோ நமக்கு லைட் எரியாது, ஃபேன் ஓடாது, மசாலா அரைக்க முடியாது என்பதுவுடன் நிற்பதில்லை. ஒரு மாநிலத்தின் வளர்ச்சியை பாதிக்கக்கூடியது. 

க்ரைன்டரும் மிக்சியும் கொடுத்து உபயோகமில்லை. அதை இயக்க மின்சாரம் இல்லாதது கொடுமை.

இலவச க்ரைண்டருக்காக ஆட்டுக்கல்லை குப்பையில் போட்டவர்கள் மீண்டும் ஆட்டுக்கல்லை தேடிக்கொண்டிருக்கிறார்கள்.

Follow @kummachi Tweet

Post Comment